Cartoline x A di Città

 

NTA VA NOVA TI POSARU
COMU A NU SANTU FARU
NIRA, BELLA , SPASIMINA
TI PORTARU NA MATINA.

ERA L’ANNU DU CINQUANTA
E LA GENTI ERA TANTA.
CU NA BELLA PROCESSIONI
FATTA CU SANTA PASSIONI

SUTTA A L’ARCHI DI MATTUNI
SIA DOMINICA CHE LUNI
STATI, MBERNU E PRIMAVERA
TUTTI VINNIMU PEE NA PREGHIERA

U PROTEGGI STU PAISI
CHI PEE ANNI E TANTI MISI
A NUI NDI DISSARU- CITTU CITTU-
FU DI FRATI MALIDITTU.

E A TIA MAI TI MANCARU
DI TANTI FHJIURI U BELLU FHJIAURU,
ZAGARI, ROSI E MAZZI I VIOLI
TI PORTAVANU I FIGGHJIOLI

E CONTENTI TUTTI I ZZITI
TI CONZAVANU I MARGHERITI.
ED ERA NU BELLU VANTU,
U RITRATTU CU TTIA ACCANTU

MO ASPETTAMU, O MADONNINA
CA PASSANDU NA MATINA
TI TROVAMU TALI E QUALI
DHÀ , DASSUTTA A NAZIONALI

SUTTA ALL’ARCHI CHI,O REGINA
TI INCORONAVANU SIRA E MATINA
BELLA ,NIGARA , SPASIMINA
DI ROSARNU PEE SEMPRI
“ A MADONNINA”

Luciana Ventre (Rosarnese fuori Rosarno)

Pubblicità